مش لاقية وقت اقعد معايا...اتكلم معايا...افكر معايا...اتأمل في حال البلاد والعباد معايا...وبجد انا وحشتني!آخر وقفة وقفتها مع نفسي كانت من شهر ونص...وانا باقرا عزازيل بتاعت يوسف زيدان...دي كانت آخر مرة اقفل موبايلي واللاب توب واقفل على نفسي باب الاوضة واشرد مع نفسي في تأملات كونية...ومن ساعتها وانا بالف في الساقية تاني...هو ايه اللي احنا عملناه في نفسنا دة يا ستات؟ شغل صبح وبعد الضهر ودراسات وندوات والتزامات ونشاطات وخناقات وتحديات...كانت مالها عيشة الست أمينة في كنف سي السيد؟! طب والله انا الايام اللي فاتت دي حاسة اني من الضغط النفسي والمعارك اللي انا مشتبكة فيها بطولي طول الوقت اني عجزت خمستاشر سنة...
اييييييييييييه...الله يرحمك يا جدي...كان لما حد يقوله "اقعد استريح" يرد يقول "الواحد مابيستريحش غير لما يموت"!
أما نشوف!
هناك 5 تعليقات:
هو كده الانسان ديما مفيش حاجه بتريحه
يعني يقول لو اشتغل هرتاح ولما يشتغل يقول يا ريتني ارتاح شويه
بس علي فكرة لو تنظمي شويه وقتك هتلاقي نفسك وتقدري تتكلمي معاها
بس يا ريت بلاش بصوت علشان محدش يقول عليكي مجنونه هههههه
تقبلي مروري سيدتي
مجنووون
على فكرة انا معاكى فى موضوع سى السيد والست امينة على الاقل كنتو وفرتو فرص للشباب يشتغل بدل مكلنا بنشتغل نفسنا كدا ولا انت ايه راى حضرتك
الله يعينك يا دكتوره
بس فعلا الهدنه والراحه والقعده مع النفس
ده شىءمهم جدا
استراحه محارب كما يقولون
هو على فكرة احتمال كبير ولا حتى بعد ما يموت..
بس خلينا متفائلين :)
معاكي ؟؟؟
إحنا بلديات بقى :)
على فكرة مدونتك حلوة، وبسيطة ....
وبتعجبيني ف حاجات كتييير
مممممممممممممممممممم
بس
إرسال تعليق